Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

Чорабиниҳо - Дар доираи дастуру супоришҳи Пешвои миллат

          Дар доираи дастуру  супоришҳои Асосгузори сулҳу  ваҳдати миллӣ-Пешвои миллат,  Президенти  Ҷумҳурии  Тоҷикистон    муҳтарам Эмомалӣ  Раҳмон  бо  мақсади  дастгирии  ятимону  бепарасторон  ва  маъюбон  бо  дастгирии  мақомоти  иҷроияи  ҳокимияти  давлатии   ноҳия,   ташаббуси  Ташкилоти ҷамъиятии  маъюбони  “Равонбахш”  бо  саҳмгузории    соҳибкори  ватанӣ  Ҷобиров  Абдулазиз  Ҳамоиши ноҳиявии  маъюбон  ва  ятимони  кулли   ноҳия    таҳти  шиори  «Мо  ҳам  метавонем»  баргузор   гардид.

         Қабл  аз  оғози  ҳамоиш намоиши ҳунарҳои   мардумии  аз  ҷониби  маъюбони  ноҳия   тайёрнамуда,  аз   қабилӣ   чакандўзӣ,  гулдўзанӣ,   ҷуроббофӣ,  кандакорӣ,  чубкорӣ,  оҳангарӣ,  инчунин   намунаи  либосҳои  мактабии аз  ҷониби  дўзандагони  корхонаи  дўзандагии  Ташкилоти  ҷамъиятии  маъюбони “Равонбахш” дар  Соли  рушди  сайёҳӣ  ва   ҳунарҳои  мардумӣ  омодакарда,  ба  марази  тамошо   гузошта  шуд. 90  нафар   маъюбон   ва  20  кўдакони  ятиму   бепарастори ноҳия   дар  ин  рўз  аз  кўмакҳои  молиявии соҳибкор  Ҷобиров Абдулазиз     дар  ҳаҷми 250  сомонӣ ба  ҳар  кадом   бархурдор   гардиданд.   Ҳамчунин,  аз  ҷониби  мақомоти иҷроияи  ҳокимияти давлатии  ноҳия  барои  ин  гуруҳи  осебпазири  ҷомеа дастархони  идона  ва  зиёфат  дар арафаи   моҳи шарифи рамазон ташкил   карда  шуд.

            Ниёзмандон  иқдоми соҳибкори  ватанӣ Ҷобиров Абдулазиз  ва  ташаббуси  Ташкилоти  ҷамъиятии  маъюбони “Равонбахш”-ро бо  хушнудӣ  пазируфтанд. Ҳамин   гуна   иқдомҳои хайрхоҳона  аз  ҷониби   дигар   соҳибкорони  ватанию  маҳаллӣ   мудом   идома   хоҳад  ёфт.

             Дар  ҳамоиш  и.в.раиси  ноҳия  муҳтарам Одиназода   Бозоралӣ  Неъмат  иштирок  карда,  зимни баромад  аз   ташкилкунандагони  маърака  бобати   амалигардонии  дастуру  ҳидоятҳои   Пешвои  муаззами  миллат  муҳтарам  Эмомалӣ  Раҳмон  ва  таваҷҷуҳашон   нисбати  ятимон, бепарасторону  маъюбон изҳори   сипос  намуданд.  Қайд гардид,  ки  давлат  ва  Ҳукумати  кишвар  ҳеҷ  гоҳ  онҳоро  танҳо   намегузорад.

             Дар  ҳамоиш   инчунин, соҳибкори  ватанӣ  Ҷобиров  А., сархатиби  ноҳия  Маҳмудов  И.,  раиси ТҶМ “Равонбахш”   Муродов   З.,   баромад   карданд  ва   аз   сиёсати  пешгирифтаи  Пешвои  миллат  изҳори  қаноатмандӣ   намуданд.

            Дар  охир  аз  тарафи  ҳунармандони Филармонияи   мардумии  ба  номи Одина  Ҳошимов  барномаи  махсуси  омоданамудаи консертӣ   манзури   иштироккунандагон   гардид.

 

   

 

 

 

 

 

 

 

 

 

 

 

   

 

 

 

image
Эмомалӣ Раҳмон

Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон

image
Одиназода Бозоралӣ Неъмат

Раиси ноҳияи Мир Сайид Алии Ҳамадонӣ