Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

Хабарҳо - Моҳипарварӣ : имкониятҳо ва воқеият

 

Аз таҳлили вазъи моҳипарварӣ дар ноҳия огоҳ шуда, метавон гуфт, ки имкониятҳои худододи моҳипарварӣ дар ноҳия хеле зиёданд. Нахуст сармояи бузурги худодод оби зархези дарёи Панҷ аст, ки чор фасли сол аз шафати ноҳия ва хоҷагии моҳипарварӣ мегузарад. Бисёриҳо эътироф кардаанд, ки маззаи моҳии ноҳияи Мир Сайид Алии Ҳамадонӣ аз моҳии дигар мавзеъҳо фарқ мекунад, яъне болаззаттар аст.

         Дар ноҳия ҳанӯз моҳи августи соли 1967  Хоҷагии давлатии моҳипарварии «Чубек» Хоҷагии моҳипарварӣ ташкил ёфта буд. Дар ин сол хоҷагӣ ҳамагӣ як ҳавзи моҳипарварӣ дошт, ки масоҳати он 17 га буда, 7 тонна моҳӣ истеҳсол намудааст.

          Дар солҳои 1981-1989 истеҳсоли моҳӣ ба 520 тонна мерасид. Миқдори ҳавзҳои моҳипарварӣ ба 17 адад расида, масоҳати онҳо 370 гектарро ташкил медод. Соли 1989 хоҷагии ёрирасон ташкил гардид, ки дар масоҳати зиёда аз 100 га зироатҳои кишоварзӣ кишт карда мешуд.

         Истеҳсоли моҳӣ аз 7 тоннаи соли 1967 ба 646 тонна дар соли 1991 расонида шуд.

          Соли 2018 дар заминаи хоҷагии давлатии моҳипарварии  «Чубек» ҶСК «Моҳипарвари Ҳамадонӣ» таъсис дода шуд. Ба ҳолати 01.01.2019 дар мувозинати ҶСК «Моҳипарвари Ҳамадонӣ» 833,16 га замин мавҷуд аст, ки аз он 134 гектарашро заминҳои корами обӣ, 53,16 га чарогоҳ, 14,0 га зери роҳҳо, 8,0 га зери иморат ва майдонҳо, 192,0 га дигар заминҳои дар кишоварзӣ истифода-нашаванда ва 432,0 га заминҳои зери об ташкил медиҳанд. Аз майдони умумии 432 га заминҳои зери об, майдони 349 га заминҳои обанбор, 40 га заминҳои зери канал ва ҷуйборҳо ва 43 га заминҳои обсофкунак ташкил мекунад.

 Истеҳсоли моҳӣ дар солҳои 1991-2018 дар ноҳия (ба ҳисоби тонна) чунин тартиб аст:

   1991 - 646                           2001 -   -                           2011 -  121,5

   1992-98                               2002 -  15                         2012 -  171,3

   1993 – 460                           2003 -   -                          2013 -  315,5

   1994 – 255                           2004 -  0,1                        2014 - 318,3

   1995 – 26                             2005 -  1                           2015 - 322,2

   1996 – 38                             2006 - 11                          2016 -  325,6

   1997 – 11,2                          2007 -  6,5                        2017 -  325,6

   1998 – 5,5                            2008 - 7                            2018 -  327,2

   1999 – 1,9                            2009 -  8                          

   2000 -   -                              2010 -  100,9

 

Боварӣ ҳаст, ки бо таъсиси ҶСК «Моҳипарвари Ҳамадонӣ» дар ин хоҷагӣ кор аз пештара дида, хубтар ба роҳ монда хоҳад шуд.

 

 

Маркази матбуотии раиси ноҳия

image
Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон

.

image
Раиси ноҳияи Мир Сайид Алии Ҳамадонӣ Одиназода Бозоралӣ Неъмат

.