Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

Хабарҳо - Ҳамоиш таҳти шиори «Мо ҳам метавонем!»

     Рӯзи 7-уми июли соли равон  дар доираи дастуру  супоришҳои Асосгузори сулҳу  ваҳдати миллӣ-Пешвои миллат,  Президенти  Ҷумҳурии  Тоҷикистон    муҳтарам Эмомалӣ Раҳмон  бо  мақсади  дастгирии  ятимону  бепарасторон  ва  маъюбон  бо  дастгирии  мақомоти  иҷроияи  ҳокимияти  давлатии   ноҳия,   ташаббуси  Ташкилоти ҷамъиятии  маъюбони  “Равонбахш”  бо  вакили Маҷлиси  намояндагони Маҷлиси Олии  Ҷумҳурии  Тоҷикистон   аз  ҳавзаи  интихоботии  “Ҳамадонӣ-35” Одинаев  Ҳаёт  бахшида ба Рўзи  маъюбон ҳамоиши ноҳиявии  маъюбони ноҳия    таҳти  шиори  «Мо  ҳам  метавонем!»  баргузор   гардид. 97  нафар   маъюбону  пиронсолони  ниёзманди  ноҳия, ки аъзои  ТҶ  маъюбони “Равонбахш” мебошанд,     дар  ин  рўз  аз  кўмакҳои   моддии  расонидаи вакили  мардумӣ   Одинаев  Ҳаёт  бархурдор   гардиданд.             

        Ниёзмандон  ташаббуси вакили  мардумӣ  ва   иқдоми Ташкилоти  ҷамъиятии  маъюбони “Равонбахш”-ро бо  хушнудӣ  пазируфтанд. Ҳамин   гуна   иқдомҳои хайрхоҳона  аз  ҷониби   дигар   ташкилоту   муассиса,  идораву  корхона ва соҳибкорони  ватанию  маҳаллӣ   мудом   идома   хоҳад  ёфт.

         Дар  ҳамоиш  муовини якуми  раиси  ноҳия  муҳтарам  Холиқов  А.Б. иштирок  карда,  зимни баромад  аз   ташкилкунандагони  чорабинӣ  бобати   амалигардонии  дастуру  ҳидоятҳои   Пешвои  муаззами  миллат  муҳтарам  Эмомалӣ  Раҳмон  ва  таваҷҷуҳашон   нисбат  ба ин  қишри  осебпазири ҷомеа изҳори   сипос  намуданд.  Қайд гардид,  ки  давлат  ва  Ҳукумати  кишвар  ҳеҷ  гоҳ  онҳоро  танҳо   намегузорад.

        Дар  чорабинӣ  мудири шуъбаи рушди иҷтимоӣ  ва  робита бо  ҷомеаи дастгоҳи  раиси  ноҳия Набиев И.,  раиси ТҶМ “Равонбахш”   Муродов   З.,   баромад   карданд  ва   аз   сиёсати  пешгирифтаи  Пешвои  миллат  изҳори  қаноатмандӣ   намуданд.

        Дар  охир  аз  тарафи  ҳунармандони Филармонияи   мардумии  ба  номи Одина  Ҳошимов, инчунин, ҳунарманди  театри халқии ноҳияи Восеъ  Гулнораи  Сатторӣ  барномаи  махсуси  омоданамудаи консертӣ   манзури   иштироккунандагон   гардид.

 

 

image
Эмомалӣ Раҳмон

Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон

image
Одиназода Бозоралӣ Неъмат

Раиси ноҳияи Мир Сайид Алии Ҳамадонӣ