Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

Хабарҳо - АҲСАН БА ШУМО, ҶАВОНМАРДОНИ АСИЛ.

                                                         

            Бузурге барҳақ гуфтааст:

                                                     Бикун некию андар Даҷла андоз,

                                                    Ки Эзид дар биёбонат диҳад боз.

         Некии ҳар фард ба қадри ҳиммати ўст. Оне, ки бо дасти сахою  қалби  васеъ  беғаразона, дар роҳи ҳақ   аз марҳамати худ хайре барои дигарон мекунад,  соҳиби ҳиммати баланд асту  марди худодод. Ҷавонмардони  саховатпешаи  деҳаи «Зафаробод»-и ҷамоати деҳоти Панҷоб  ( раисаш Тоҳир Рафиев) Асламхон Бобоев, Ҳусейн Нозимов ва Зикрулло Ҷамшедов  бо ҳамдигар маслиҳат карда, барои аз нав таъмиру тармим намудани бунгоҳи тиббии деҳаашон камари ҳиммат бастанд. Онҳо аз маблағҳои пасандоз кардаи худ саховатмандона  ин бунгоҳи тиббиро хеле зебою орста, таъмири ҳозиразамон намуда, ба ихтиёри  корафтодагон доданд. Қатори таъмири хушсифат  боз  ба бино хати оби нўшокӣ кашида,  барои аз ҷиҳати санитарӣ-гигиенӣ тоза нигоҳ доштани бунгоҳи тиббӣ  ва сарсабз гардондани гирду атрофи он  шароит мўҳайё намуданд.

           Акнун корафтодагони деҳа роҳи дурро тай карда, ба маркази ноҳия нарафта, дар ҳамин бунгоҳи тиббӣ ҳоҷати худ қонеъ мегардонанд.      

 

   

 

        

 

image
Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон

.

image
Раиси ноҳияи Мир Сайид Алии Ҳамадонӣ Одиназода Бозоралӣ Неъмат

.