Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

    Рўзи  душанбе,   дар  ҷаласаи    навбатии  назоратии  назди  раиси  ноҳия   чандин  масъалаҳои   мубрами  рўз   мавриди   баррасӣ   қарор   гирифтанд, ки  ҳамаи  онҳо  зарур ва  саривақтӣ   буданд.

   Дар  навбати  аввал   масъалаи   ҷамъоварии маблағҳои  андоз   барои  моҳи  июл  дида  баромада  шуда ,  раиси  ноҳия  доири    масъалаи   мазкур   аз  масъулини    соҳа  пурсон   шуда,  таъкид  намуда,   ки  бояд   ҳама   нисбати  ин  масъала  масъулияти  ҷиддӣ  ҳис  намоянд.

   Дар  бораи   масъалаҳои    назорати    рафти  коркарди  байни  қатораҳои   пахта- култиватсия,  ғизодиҳӣ,  обмони   ва  коркарди   химиявӣ;   пешниҳоди  маълумот  дар  бораи   фаъолияти  гуруҳҳои   корӣ   оид   ба  санҷиши   нашъунамои   ниҳолҳои  пахта   дар  хоҷагиҳои  деҳқонӣ;  назорати   ҷидди   ба  иҷрои  нақшаи   кишти  такрории  зироатҳо  аз  рўи  дурнамои  тасдиқгардида.  Раиси  ноҳия  муҳтаррам  Бозоралӣ  Одиназода   аз  масъулин   сахт  пусиш  намуда ,  ҷиҳати  пештафти  кор   ва  ҳалли  масъалаҳои   номбурда  ба  масъулони  соҳа   дастуру  супоришҳои   мушаххас  доданд.

    Доири  иҷрои  нақшаи   чорабиниҳо  оид   ба  омодагӣ  ба  сафари  кории  Президенти  Ҷумҳурии  Тоҷикистон   ба  ноҳия,  пешниҳоди  маълумоти  ҳамарўза    оид  ба  иҷрои  корҳо    ва  ҷамбасти  корҳо    ҳар  ҳафта  рўзи  ҷумъа    роҳбари  ноҳия  аз  нафарони  масъул   ҷидди пурсиш  намуда,  баҳри  иҷроиши   корҳо    маслиҳатҳои  муфид  доданд.

   Раиси  ноҳия    ба шахсони   масъулу    мутасаддӣ   ҷиҳати    ташкил  ва  баргузор   намудани   рўзҳои  мақомот   дар  ҳудуди  Ҷамоатҳои    Шаҳраку   деҳоти    ноҳия   бо  мақсади    ба  роҳ  мондани    корҳои  ободонӣ   дар  доираи  чорабиниҳо    бахшида   ба  ҷашни  30-  солагии   Истиқлолияти  Ҷумҳурии  Тоҷикистон;   омода  намудани  ҳамагуна  чорабиниҳо  ва  иншоотҳои  ҷашни  барои  сазовор    пешвоз  гирифтани    Роҳбари  давлат  ;   назорат   ба  рафти   омодасози    иншоотҳои, ки  дар  моҳи  июли   соли  ҷори    мавриди  истифодабарӣ     қарор  дода  мешаванд;  таъмиру  тармими роҳҳои  маҳаллӣ, ки  дар  сайрхати    қабули  меҳмонони    сатҳои  баланд    қарор  доранд  ва  гузоштани  аломатҳои   роҳ  маслиҳатҳои   судбахш  доданд.

  Доири  пешниҳоди    маълумоти    аниқ  дар  бораи    рафти  таъмири    муассисаҳои  таълимӣ;  андешидани  чораҳо    дар  бораи  кўчонидани    оилаҳое,ки    дар  бинои  боғчаи   бачагонаи  деҳаи  Сайроби     ҷ/д  Панҷоб  истиқомат  доранд;    назорати  ҷиддӣ   ба  рафти   риояи   қоидаҳои    беҳдошти   дар  ҷойҳои   ҷамъиятӣ  барои  пешгирии     бемории   коронавирус    ва  ба  роҳ  мондани    корҳои  безараргардонӣ,  андешидани  чораҳои  қатъӣ  ҷиҳати  сари  вақт  пурра  гардонидани    курсҳои  омўзиши    касби  ронандагӣ   аз  ҳисоби  ҷавонони    сини  даъвати  тибқи  нақша;  иҷрои  нақшаи   обуна  барои  рўзномаи  ноҳияви  “Зафар”  ва ҳафтаномаи  “Минбари  Халқ”? супоришҳои    мушаххас  доданд.       

Маркази матбуоти раиси ноҳия