Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

Хабарҳо - Баррасии масъалаҳои муҳим

     Дар  ҷамъомади  навбатии  назоратии    назди  раиси  ноҳия,  ки рўзи  15 ноябр   дар толори   маҷлисгоҳи   МИҲД-и  ноҳия   баргузор  гардид,  як қатор    масъалаҳои   муҳимми рўз-  аз қабили  ҷамъоварии  маблағҳои  андоз барои  моҳи ноябр, кишти  тирамоҳии  зироатҳо   ва пешниҳоди   маълумот  оиди  иҷроиши   корҳо  дар ин бахш,  кишти  тирамоҳии   зироатҳо  дар заминҳои   лалмии  Олимтой  ва   Бузахона, аз  ғузапоя  тоза  намудани   заминҳои   пахта,  оиди  фаъолияти  корхонаҳои   саноатӣ, роҳ, нақлиёт,  коммуникатсия,  ҳолати  гармкунии    синфхонаҳои  МТМУ-и  ноҳия,  вазъи  санитарӣ  ва    омодагӣ   ба давраи  тирамоҳу    зимистон  дар  беморхонаи   марказию    муассисаҳои  тандурустии  ноҳия,  назорат ба  вазъи   буду  боши   шаҳрвандони  аз   муҳоҷирати    меҳнатӣ   баргашта,  баргузории  чорабиниҳо   ба  ифтихори  Рўзи  Президенти  Ҷумҳурии Тоҷикистон, омодагии  ҷиддӣ  ба қабули   меҳмонон  аз вилояти   Сурхондарёи   Ҷумҳурии   Ўзбекистон,  оиди  иҷрои   нақшаи  даъвати  тирамоҳӣ ,  дар  бораи   иҷрои  нақшаи  обуна   ба  рўзномаҳои  ҳизбӣ, ноҳияви,  вилоятӣ,  ҷумҳуриявӣ,    мавриди  баррасӣ  қарор гирифтанд.

   Раиси  ноҳия  муҳтарам  Бозоралӣ  Одиназода   вобаста  ба ҳар як масъалаи   дар  рўзномаи  ҷаласа   буда,  аз шахсони  масъул ,  роҳбарони  соҳаҳо,  Раисони  ҷамоатҳо   пурсиши  ҷиддӣ  ба  амал  оварда,  ҷиҳати  ҳалли   масъалаҳои  хоҷагидорӣ   ба ҳамаи   роҳбарону  шахсони   мутасаддӣ   маслиҳат   ва дастуру   тавсияҳои  судбахш  доданд. 

 

Маркази матбуоти раиси ноҳия

 

 

 

 

image
Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон

.

image
Раиси ноҳияи Мир Сайид Алии Ҳамадонӣ Одиназода Бозоралӣ Неъмат

.