Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

    Санаи 2-юми декабри соли равон гуруҳи таблиғоти аз вазорату идораҳои ҷумҳурӣ, бо иштироки намояндагони Ҳизби Халкии Демократии Точикистон, Кумитаҳои кор бо занон ва оилаи назди Ҳукумати Ҷумҳурии Тоҷикистон, ҷавонон ва варзиш ҷиҳати пурзӯр намудани фаъолият оид ба фарогирии аҳолӣ ба ваксинатсия бар зидди бемориҳои коронавирус, дар толори мақомоти иҷроияи ҳокимияти давлатии ноҳияи Мир Саид Алии Хамадонӣ бо аҳли зиё ва сокинони ноҳия вохӯрии судманд доир гардид. Дар вохӯрӣ оид ба фарогирии аҳолӣ ба ваксинагузаронӣ, намояндагони Ҳизби Халкии Демократии Точикистон- Давлатзода Хангома Рустам, Кумитаи кор бо занон ва оила - Муродова Дилбар Муродмадовна, Кумитаи кор бо ҷавонон ва варзиш - Ҳусензода Фаридун Ҳусен, муовини раиси ноҳияи Мир Сайид Алии Ҳамадони Исҳоқи Ҳусния, намояндаи ҳамоҳангсозии тандурустӣ иштирок ва суханронӣ намуданд.

Маркази матбуоти раиси ноҳия