Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

      Бо  дастури  раиси  ноҳия   муҳтарам  Бозоралӣ  Одиназода   дар  давраи   таътили   зимистонаи  мактаббачагон  як  силсила  чорабиниҳо   ташкил ва гузаронида  шуданд.

     Дар  толори  варзишии  мактаби  №3-и Ҷамоати деҳоти “Панҷруд”  аз рўи  намуди   гуштини  самбо   мусобиқа доир гардид,  ки дар он 23 варзишгари  наврас   аз  мактабҳои  ноҳия  ширкат  варзида , байни  ҳам  рақобат  намуданд.

    Дар  ҷамъбасти  мусобиқа   гуштингирони  мактаби  №3   маҳорати хуб  нишон дода,   соҳиби ҷойи  аввал  гардиданд. Ҷойҳои  2-юму  3-юмро  варзишгарони  мактабҳои № № 27  ва 20  ишғол  намуданд.

    Ба  ғолибон Ифтихорномаҳои  мактаби варзишии  ноҳия  (директораш Бахтиёр  Саъдуллозода)  супорида шуд.

Маркази матбуоти раиси ноҳия