Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

       Сарзамини   бостонии  мо- Тоҷикистони  биҳиштосо   дар  замони  истиқлолияти   давлатӣ  зери   роҳбарии  хирадмандонаи   Пешвои   муаззами   миллат, Президенти  Ҷумҳурии  Тоҷикистон  муҳтарам  Эмомалӣ  Раҳмон  ба комёбиҳои    барҷаста    муваффақ  гардид.

       Дар  ин давра  Қувваҳои  Мусаллаҳи  мамлакат  ба яке  аз   пурқудраттарин  артиш  дар Осиёи  Марказӣ   табдил  ёфта,  кафили  амнияти  марзу    буми  кишвари   азизамон  ба  шумор  меравад.

       Кумитаи  ноҳиявии  ТҶММ  ( раисаш  Тоҳир Шарифов)  ҷиҳати  соҳиби  касбу  ҳунар   намудани  сарбозони   ояндаи  Артиши   милли  ҳамеша   бар он мекўшад,  ки  барои   ҷавонон  кўрсҳои   кўтоҳмуддати  45  ва  60  рўза   ташкил  намуда,  ба  онҳо  пешаи  ронандагӣ ( категорияҳои  В  ва  С )  - ро    омўзонад,  зеро  касби  ронандагӣ  аз  асоситарин  касбҳо  ба  ҳисоб рафта,  ҷавонони  соҳибкасб  бо   сари   баланд  дар  сафи  Артиши  миллӣ     хизмат  мекунанд.

        Тавре  дар  суҳбат  Раиси  кумитаи  ноҳиявии  ТҶММ  майор  Тоҳир  Шарифов  иброз  дошт,  бояд  рўзҳои   наздик   ҳаштод  нафар  ҷавонон  ба  курсҳои   омўзишии  ронандагӣ   фаро  гирифта  шаванд. 

Маркази матбуоти раиси ноҳия