Якуми августи соли 2022 дар маҷлисгоҳи мақомоти иҷроияи ҳокимияти давлатии ноҳия бо иштироки раиси ноҳия муҳтарам Бозоралӣ Одиназода, роҳбари дастгоҳ, муовинони соҳавии раиси ноҳия, роҳбарони ташкилоту муассисаҳо, раисони ҷамоатҳо ҷамъомади назоратии назди раиси ноҳия доир гардид.
Нахуст, масъалаи иҷрои нақшаи ҷамъоварии маблағҳои андоз дар моҳи июл ва ҷамъоварии маблағҳо барои моҳи август дида баромада шуд ва Раиси ноҳия муҳтарам Бозоралӣ Одиназода ба масъулини соҳа бобати иҷроиши нақшаи андоз маслиҳатҳои муфид доданд.
Оиди назорати ҷиддӣ ба рафти нигоҳубини пахтазор, омодагӣ ба чиниши пахта, рафти нигоҳубин ва парвариши зироатҳои кишти такрорӣ; кишти такрории картошкаву сабзӣ аз рўйи нақшаи муайяншуда; омода намудани коргоҳу корхонаҳои пахтақабулкунии дар ҳудуди ҷамоатҳо фаъолияткунанда раиси ноҳия ба муовини аввали раиси ноҳия, муовинони соҳавӣ, раисони ҷамоатҳо дастуру супориш доданд, ки ҷиҳати иҷроиши корҳо чораандешӣ намоянд.
Доири масъалаҳои таҳлил ва пешниҳоди маълумот оид ба фаъолияти ҳар як корхонаи коркарди намак аз тарафи гуруҳи корӣ; назорати ҷиддӣ дар самти пешниҳоди маълумотҳои омории соҳаи саноат; пешниҳоди рўйхати иншоотҳои ҷашни, ки дар моҳи август мавриди қабул ва истифода қарордодашаванда; рафти таъмири муассисаҳои таълимӣ; муайян намудани миқдори захираи ангишт дар муассисаҳои таълимӣ; ташкили ярмаркаи фурўши сару либоси мактабӣ ва маводи хониш раиси ноҳия ба масъулин дастуру супоришҳои мушаххас доданд, ки ҷиҳати амалишавии корҳо назорати ҷиддӣ бурда шавад.
Ҳамчунин, дигар масъалаҳои ҷаласаи назоратӣ- баргузории рўзи санитарӣ дар «Бозори фаровон»; рафти амалишавии нақшаи чорабиниҳое, ки аз рўи ҷамъбасти фаъолияти Ҷамоатҳои ш/ деҳоти ноҳия дар соли 2021 таҳия гардидаанд ва пешниҳоди маълумоти муфассал аз натиҷаи корҳои иҷрошуда; рафти баррасии мактубҳо ва муроҷиатҳои воридгардида; дидани чораҳо ҷиҳати ҷалби ҷавонони синни даъватӣ ба курсҳои касбомўзӣ ва пуррагардонии курсҳо тибқи нақшаи муайянгардида, сари вақт бақайдгирии касбомўзон; иҷроиши нақшаи обуна ба нашрияҳои ҳизбӣ ва ноҳиявӣ ва пешниҳоди нақшаи обуна ба рўзномаю маҷаллаҳои вилоятию ҷумњуриявӣ; омодагӣ ба ҷашни 31- солагии Истиқлолияти давлатии Ҷумҳурии Тоҷикистон, таҳия ва пешниҳоди Барномаи фарҳангӣ, ташкили шиору овезаҳо бахшида ба ин ҷашн ва муайян намудани ҷойи баргузории чорабинии ноҳиявӣ низ мавриди таҳлили ҷиддӣ қарор гирифта, раиси ноҳия ҷиҳати иҷроиши корҳо ба ҳамаи шахсони масъул дастуру супоришҳои муфид доданд.