Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

Хабарҳо - Корномаи далерони Ватан (бахшида ба солгарди 73-юмини Ғалабаи бузург бар фашизми Германия)

       Ҳаштуми  майи  соли 2018 бо   иштироки   и. в. раиси   ноҳия   муҳтарам  Одиназода   Бозоралӣ  Неъмат дар   боғи  фарҳанги  ноҳия    ба  муносибати  солгарди   73-юмини Ғалабаи  бузург    бар  фашизми  Германия  маросими   гулгузорӣ дар   назди   гулхани  ёдгорӣ    ба  хотираи  шаҳидони   роҳи   озодии  Ҷанги  Бузурги  Ватании   солҳои 1941-1945   баргузор  шуд.   Нахуст и. в. раиси  ноҳия Одиназода  Бозоралӣ бо  гузоштани  гулчанбар   хотираи  қаҳрамонону   иштирокдорони   он  ҷанги  фоҷиабору   пурдаҳшатро  пос  дошта,  дар   назди  иштироккунандагони  чорабинӣ  суханронӣ   намуданд  ва   хотираи неки  қурбониёни Ҷанги  дуюми  ҷаҳон  бо  дақиқаи  хомўшӣ пос  дошта   шуд.

       Дар   чорабинӣ инчунин,  раиси  Шўрои  собиқадорони  ҷангу   меҳнати   ноҳия  Раҳимов  Ш.,  раиси  Иттиҳоди  башардўстони  ноҳия  Қурбонов   О.   ва   раиси  Ташкилоти  ҷамъиятии   байналмилалии   «Ҳомиёни  Ватан» Сайдаҳмадов   Сайдамир  баромад   карда,  аз  ҷавонон   даъват   ба   амал   оварданд,  ки ҷавобан   ба  ғамхориҳои пайвастаи   Асосгузори   сулҳу  ваҳдати  миллӣ-Пешвои   миллат,  Президенти  Ҷумҳурии  Тоҷикистон  муҳтарам  Эмомалӣ   Раҳмон   аз   тамоми  имкониятҳо   самаранок  истифода   намуда, дар  рушду   нумўи кишвари   маҳбубамон  саҳми  арзандаи   хешро   гузоранд.

       Дар   охир   аз  ҷониби Ташкилоти  ҷамъиятии   байналмилалии   «Ҳомиёни  Ватан»  ба   як   қатор собиқадорони  ҷангу   меҳнат   ва   башардўстон медалу   сипосномаҳо   тақдим   гардонида   шуд.

      Дар  ин  рўз     аз  номи намояндагони  мақомоти  иҷроияи   ҳокимияти   давлатии   ноҳия,  Шўрои  собиқадорони   ҷангу   меҳнат  ва  дигар  сохторҳои  ноҳиявӣ   дар  назди  Муҷассамаи   «Модари  гирён»  низ   гулчанбарҳо гузошта   шуданд. 

 

 

 

Туҳфаи  Пешвои  миллат  ба   8   нафар   собиқадорони  ҷанги  ноҳия

          Ба  муносибати 73-солагии  Ғалаба   дар  Ҷанги  Бузурги  Ватанӣ  ба  8   нафар иштирокдорони  Ҷанги  Бузурги  Ватанӣ аз   ҷамоатҳои  шаҳраки  Москва, деҳоти  Меҳнатобод, Қаҳрамон    ва  Чубек  аз   номи   Президенти  Ҷумҳурии   Тоҷикистон   кумаки  молиявӣ ба   андозаи   4000   сомонӣ  ба   ҳар  кадом  тақдим   карда  шуд.  Кумак  аз  тарафи гуруҳи  кории  Дастгоҳи  иҷроияи  Президенти   Ҷумҳурии   Тоҷикистон  ба   собиқадорони   ҷанг    дар  фазои  тантанавӣ тақдим   гардид. 

          Дар   арафаи  таҷлили   ҷашни   Ғалаба аз  тарафи   мақомоти  иҷроияи  ҳокимияти  давлатии   вилояти   Хатлон   дар  ҳаҷми 8000     ва   аз  ҳисоби  фонди  захиравии  раиси  ноҳия   бошад, ба  маблағи 2800  сомонӣ ба  маъюбону иштирокчиёни Ҷанги Бузурги Ватанӣ кўмаки  яквақтаи  молиявӣ   расонида шуд.   Дар арафаи таҷлили ҷашни Рўзи  Ғалаба  и.в. раиси ноҳия Одиназода Бозоралӣ Неъмат аз вазъу шароити зиндагонии маъюбону иштирокчиёни Ҷанги Бузурги Ватанӣ ва   ашхоси  ба   онҳо   баробаршуда аз наздик дидан намуда,  аз номи мақомоти иҷроияи ҳокимияти давлатии ноҳия дар ҳаҷми 500 сомонӣ  (ба ҳар кадом)  кўмаки яквақтаи молиявӣ расониданд.

 

  

 

   

 

  

 

  

 

  

 

 

 

 

 

 

image
Эмомалӣ Раҳмон

Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон

image
Одиназода Бозоралӣ Неъмат

Раиси ноҳияи Мир Сайид Алии Ҳамадонӣ