Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

Нақлиёт

      Бояд тазаккур дод, ки яке аз ҳадафҳои стратегии кишвар ин раҳоӣ ёфтан аз бунбасти коммуникатсионӣ мебошад, ки тавассути таҷдид ва сохтмони нақбу пулҳо ва роҳҳои мошингард амалӣ шуда истодаанд. Дар ин замина, дар ноҳия ҷиҳати беҳбудӣ бахшидан ба хадамоти нақлиётӣ  корҳои назаррас ба сомон расонида шуда истодааст.

      Муссисаи давлатии нигоҳдории роҳҳои автомобилгарди ноҳияи Мир Сайид Алии Ҳамадонӣ дар  мувозинаи  худ 209,8 км роҳҳои  истифодаи  умум, аз ҷумла 26,1 км роҳҳои  аҳамияти ҷумҳуриявӣ ва 183,7 км роҳҳои аҳамияти маҳаллидошта дорад. Муассисаи мазкур дорои 6 адад техникаҳо ва таҷҳизотҳои роҳдорӣ мебошад, ки  онҳо  дар ҳолати коршоямӣ қарор доранд. Аз онҳо 5 ададаш техникаҳои роҳсозӣ ва 1 ададаш нақлиёти хизматрасониро  ташкил медиҳад.

       Дар тавозуни муассиса инчунин 52 адад пул бо дарозии 916 метр ба қайд гирифта шудааст. Инчунин 31,5 км роҳҳои кўчаҳои маркази шаҳраки Москва мавҷуданд, ки дар тавозуни КФД «ХМК»-и ноҳия қарор дошта, соли 2014 таъмири асосии 5 километри он ба маблағи 5  миллион сомонӣ аз ҳисоби буҷети ҷумҳуриявӣ аз тарафи Дирексияи сохтмони иншооти Дастгоҳи иҷроияи Президенти Ҷумҳурии Тоҷикистон ба анҷом расонида шуд.

       Дар соли 2017 корҳои зиёде ҷиҳати нигоҳдорӣ ва таъмири роҳҳои автомобилгард ба амал бароварда шуданд. Барои нигоҳдории роҳҳои автомобилгарди ноҳия  аз ҳисоби буҷети ҷумҳуриявӣ дар ҳаҷми 591,1 ҳазор сомонӣ маблағ ҷудо гардид. Айни ҳол дар муассисаи мазкур 5 адад механизми роҳсозӣ ва 1 нақлиёти автомобилӣ барои иҷрои корҳо омода  мебошанд.

       Дар ин давра дар масофаи 86 километр роҳҳои автомобилгард аз тарафи муассисаи давлатии нигоҳдории роҳҳои автомобилгарди ноҳия таъмири ҷорӣ гузаронида шуд. Бо роҳи ҷалби соҷибкорон ва аҳолӣ бошад, дар ҳудуди Ҷамоатҳои шаҳраку деҳоти ноҳия 96 километр роҳҳои аҳамияти маҳаллидошта сангфарш карда шуданд.

      Тибқи банди 8-и Нақшаи чорабиниҳо оид ба иҷрои дастуру супоришҳои Президенти Ҷумҳурии Тоҷикистон, ки дар ҷараёни сафари корӣ ба ноҳияи Мир Сайид Алии Ҳамадонӣ  27 июли соли 2016 баён доштанд,   таъмири асосӣ ва чароғон намудани роҳҳои маркази ноҳия – шаҳраки Москва аз ҳисоби Буҷети давлатӣ ва соҳибкорон дар масофаи 10 километр аз ҷониби ширкати роҳсоз - ҶДММ «Элит-Строй-Сервис», ҶДММ «Роҳи тоҷик» ва ҶДММ «Хайру Неъмат»  ба анҷом расонида шуданд. 

      Инчунин аз тарафи яке аз соҳибкорони ноҳия  барои аҳолии маҳаллаи навбунёд дар ҳудуди деҳаи Гулистони дҳоти Қаҳрамон ҳамчун гузаргоҳ як пул (купрук)-и мошингузар ба маблағи  290,0 ҳазор  сомонӣ сохта ба истифода дода шуд.

      Аз ҳисоби маблағҳои ҷудонамудаи Вазорати нақлиёти Ҷумҳурии Тоҷикистон  пули байни деҳаҳои Сафедоб ва Обшорони ноҳия, ки дар натиҷаи обхезии соли 2005 хароб гашта буд, аз нав сохта шуда, мавриди истифодабарӣ қарор гирифт. Соли гузашта бошад, пули роҳи маҳаллаи навбунёди деҳаи Навободи Ҷамоати деҳоти Меҳнатобод, аз нав барқарор карда шуд.

      Ҳаҷми боркашонӣ  нисбат ба ҳамин давраи соли ҳисоботӣ 100,4 фоиз афзуда, ба воситаи нақлиёти шахсӣ 750,3 хазор тонна борҳои гуногун кашонда шудааст. Ҳаҷми мусофиркашонӣ бошад, ба 4056,0 ҳазор нафар расонида шуд.

 

image
Эмомалӣ Раҳмон

Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон

image
Одиназода Бозоралӣ Неъмат

Раиси ноҳияи Мир Сайид Алии Ҳамадонӣ