Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

         Дар  ҷаласаи    навбатии    назоратии  назди  раиси   ноҳия  аввало  масъалаи  пешниҳоди  маълумот  оиди  иҷрои  ҷамъоварии   маблағҳои  андоз   барои   моҳи  октябр  ва  нақшаи  иҷрои   андоз барои  моҳи   оянда  баррасӣ  гардид.

         Зикр  гардид, ки   нақшаи  моҳи  октябр   иҷро шуда  бошад ҳам ,  раиси  ноҳия  онқадар   қаноатманд  набуд,  зеро як  қатор  ҷамоатҳо   нақшаи  андозро  иҷро  накарданд  ва  роҳбари  ноҳия  муҳтарам  Бозоралӣ  Одиназода   доири  ин  масъала   ба  масъулини  бахш   дастуру  супоришҳо  дод.

        Дар  давраи  тирамоҳ  бинобар  омадани   фасли  борону  сардиҳо  пурра  ҷамъоварӣ  намудани   ҳосили  пахта  дар  хоҷагиҳо,  ба роҳ  мондани кишти  тирамоҳии   зироатҳо, кишти  зироатҳо   дар  гармхонаҳои    мавсимӣ,  омодагиҳо  ба  замистонгузаронӣ  дар  фермаю, кашарҳо,  оиди  захираи  хўрока  барои   на кам аз ду сол , аз  масъалаҳои  дигари  рўзномаи    ҷамъомад  буданд,  ки  ҳаматарафа   мавриди  таҳлили   ҷиддӣ  қарор  гирифта,  баҳри  иҷрои  онҳо   раиси  ноҳия   ба  мутасаддиён,  раисони  ҷамоатҳо,  роҳбарони  соҳавӣ  маслиҳатҳои  даркорӣ  доданд.

         Дар  ҷамъомад  дигар  масъалаҳо-пешниҳоди   Барномаи   таҷлили  Рўзи  Конститутсияи  Ҷумҳурии  Тоҷикистон  ва  баргузор   намудани   чорабиниҳо   дар  ҳамаи  ташкилоту   муассисаҳо;  насби  шиору   навиштаҷотҳо бахшида  ба  Рўзи  Конститутсияи  Ҷумҳурии  Тоҷикистон  дар  ҳудуди  ҳамаи  ҷамоатҳои   ноҳия; назорати  иҷрои  талаботҳои  Қонуни   Ҷумҳурии  Тоҷикистон  «Дар бораи  танзиму  анъана   ва  ҷашну  маросимҳои  миллӣ   дар Ҷумҳурии  Тоҷикистон»,  дар  самти  сарфаю   сариштакорӣ  дар  ҳамаи   ташкилоту   муассисаҳо  ва  корхонаю   идораҳо   низ  мавриди   баррасии  ҷиддӣ   қарор  гирифта,  раиси  ноҳия   муҳтарам  Бозоралӣ  Одиназода   ба  ҳамаи  раисону    роҳбарони   соҳавӣ   ҷиҳати  амалигардии  нақшаҳо дастуру   тавсияҳои  муфид  доданд.

         Дар рўзҳои  таътили  тирамоҳӣ    ташкил  ва  гузаронидани   чорабиниҳои    варзишӣ  дар  байни   хонандагони   мактабҳо  бахшида  ба   Рўзи  Конститутсияи  Ҷ Т;  назорат ба  рафти   хондани  китобҳои   бадеӣ   аз  ҷониби  хонандагони   муассисаҳои  таълимӣ   ва  омода намудани   иштирокчиёни    озмўни «Фурўғи  субҳи  доноӣ китоб аст»;  зери  назорати  ҷиддӣ  қарор   додани  корҳои   оммафаҳмонӣ   дар байни   аҳолӣ  оид ба  пешгирии   бемории  коронавирус   ва  пурзўр   намудани   кори  гузаронидани   ваксинатсияи   муқобили   ин беморӣ; андешидани  чораҳои  зарурӣ    ҷиҳати  иҷрои   нақшаи   обуна  ба   рўзномаҳои  ҳизбӣ,  ноҳиявӣ   ва ҷумҳуриявӣ   аз  масъалаҳои   мубрами  ҷаласаи  назди  раиси  ноҳия   буданд, ки  ҳаматарафа   баррасӣ  шуда,  баҳри  дар муҳлатӣ  кўтоҳтарин  иҷро  намудани   масъалаҳои  муҳокимашуда раиси  ноҳия   ба ҳамаи  масъулини  соҳаҳо   дастуру   маслиҳатҳои   судбахш  доданд.        

Маркази матбуоти раиси ноҳия