Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

       Дар  ҷаласаи  навбатии  назоратии  назди   раис,  аз  санаи   24 январ  ёздаҳ  масъалаи   муҳим  мавриди  баррасӣ  қарор  гирифт.

   Дар  масъалаи    иҷрои   нақшаи  ҷамъоварии  андоз  барои  моҳи   январ    раиси  ноҳия   муҳтарам  Бозоралӣ  Одиназода  аз  масъулини  соҳа  талаб  кард,  ки  баҳри  иҷроиши  ин   масъала  чораҳои   зарурӣ   андешанд.

    Раиси  ноҳия  оиди  рафти  иҷрои  супориш  дар  бораи   пурра  шудгор   намудани  заминҳое, ки   барои  кишти  пахта   муайян  карда  шудаанд  ва таъмини  иҷрои   нақшаи  кишти  картошка   ва дигар  маҳсулотҳо   ба  Муовини  аввали   раиси  ноҳия,  Раёсати  кишоварзӣ  ва  раисони   Ҷамоатҳо   дастуру  супориш  доданд,  ки   заминҳои  барои   кишти  пахта  ҷудошуда  ҳарчи  зудтар  хушсифат  аз  шудгор  бароварда  шаванд.

      Ҷиҳати  таҷдиди  х/д “Агротехдон”  аз ҷ/д  “Меҳнатобод”  ва  х/д  “Сомонӣ”  аз  ҷ/д   “Панҷоб”  ба  шахсони  масъул  супорида  шуд,  ки  масъалаи  мазкур   дар  доираи  талаботи  рўз  амалӣ  гардонида  шавад.

      Ҳамчунин,  масъалаҳои     дигари  ҷаласа - вусъат  додани   кори  дарахтшинонӣ  ва    ниҳоли  тут  дар  ҷойҳои   муайяншуда;  таҳия  ва пешниҳоди  нақшаи  чорабиниҳои   ноҳиявӣ   бахшида  ба Солҳои  рушди  саноат;  ташкил  ва баргузор    намудани  ҷашни   Иди  Сада  дар ноҳия   ва вилоят;  пешниҳоди  протоколҳои   ҷамъбасти   соҳаҳо  дар соли 2021  низ    воқеъбинона  баррасӣ   ёфта,  роҳбари  ноҳия   ба муовинони  соҳавӣ , Раёсати  кишоварзӣ,  раисони  ҷамоатҳо  ҷиҳати  амалишавии  корҳо  дастуру  маслиҳатҳо  доданд.

       Раиси  ноҳия   ба масъулини  соҳаҳо   барои  сари вақт  ҷамъоварии  маблағҳои   обуна;  вусъат  бахшидан  ба кори  ваксинатсия  бар  зидди  бемории   коронавирус  ва пешниҳоди   маълумоти  ҳамарўза;  ҷалби  ҷавонони  синни даъватӣ   ба курсҳои  кўтоҳмуддати   омўзиши  касби  ронандагӣ   барои  даъвати   баҳорӣ  ва   назорат   ба рафти   гузаштани   хонандагон  аз комиссияи   тиббӣ  барои   бақайдгирии  ибтидоӣ  дастур  доданд,  ки   баҳри  амалишавии  масъалаҳои   номбурда   чораҳои   қатъӣ  андешанд.

Маркази матбуоти раиси ноҳия