Дар асоси нақшачорабиниҳои тасдиқгардидаи мақомоти иҷроияи ҳокимияти давлатии ноҳия “Дар бораи Барномаи давлатии маҷмўи рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025” мавсими ниҳолшинонӣ идома дошта он авҷи тоза мегирад. Марди деҳқон ба саҳро баромада, ҷўйю каналҳо ва новаҳои обгузарро тоза намуда, аз тарафи дигар дар ҷойҳои холимондаи заминҳо шинондани дарахтони мевадиҳандаю ороишӣ ва гулу гулбуттаҳо саҳм мегузорад. Бо ташаббуси бахши ҳифзи муҳити зисти ноҳия, имрўз дар Ҷамоатҳои деҳоти Чубек (роҳбараш Хисрав Абдулхайров) ва Ҷамоати деҳоти Меҳнатобод (роҳбараш Эмомалӣ Азимов) ҳашари ниҳолшинонӣ ташкил гардид, ки зиёда аз 1500 адад дарахтони тут ва ниҳолони мевадиҳандаю ороишӣ шинонида шуд. Дар хоҷагиҳои деҳқонии “Абдулфайз”, “Давлаталӣ-2005”-и Ҷамоати деҳоти Чубек зиёда аз 600 адад ва хоҷагиҳои деҳқонии “Самар”, “Зарафшони панҷ”, “Аҳмадбой” ва “Умед”-и Ҷамоати деҳоти Меҳнатобод зиёда аз 900 адад ниҳолони сояафкану мевадиҳанда шинониданд. Ҳар сол дар ҳудуди ноҳия бо қувваи ҳашарчиён садҳо бех дарахтони гуногун шинонда мешавад, ки онҳо ба ҳусни ноҳия таровати тозае мебахшад. Бинобар иттилои бахши ҳифзи муҳити зисти ноҳия аз аввали мавсими ниҳолшинонӣ дар ҳудуди Ҷамоати деҳоти Чубек 1510 бех ва Ҷамоати деҳоти Меҳнатобод 1560 бех дарахтони гуногун шинонида шудааст.
Маркази матбуоти раиси ноҳия
Асосгузори сулҳу ваҳдати миллӣ- пешвои миллат, Президенти Ҷумҳурии Тоҷикистон муҳтарам Эмомалӣ Раҳмон
Раиси ноҳияи Мир Сайид Алии Ҳамадонӣ Мирзозода Нурулло Абдулҳай
© 2018 - МАҚОМОТИ ИҶРОИЯИ ҲОКИМИЯТИ ДАВЛАТИИ НОҲИЯИ МИР САИД АЛИИ ҲАМАДОНӢ