Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

     Дар  ҷаласаи   назоратии    назди  раиси   ноҳия,  ки  31.01.02022  баргузор    гардид,   масъалаҳои   ҳалталаби   рўз  мавриди    баррасӣ  қарор  гирифтанд.  Масъалаи  аввал-  ба роҳ  мондани  ҷамъоварии  маблағҳои   андоз  аз рўйи  нақшаи    муайяншуда буд,  ки   раиси  ноҳия,  Узви  Маҷлиси   миллии  Маҷлиси  Олии  Ҷумҳурии  Тоҷикистон    муҳтарам  Бозоралӣ  Одиназода    доири  масъалаи   мазкур   аз масъулини  бахш    сахт   талаб  кард,ки    нақшаи   андоз ҳамин  рўз   таъмин   карда   шавад.

    Баҳри   бартараф  намудани   қарздории    кооперативҳои   тиҷоратӣ   аз  андоз;  иҷрои  супориш   ҷиҳати   пурра  шудгор  намудани   заминҳои  барои    кишти    пахта  ҷудошуда,  таъмини   иҷрои   нақшаи    кишти  картошка  ва дигар  зироатҳо; барасмиятдарории заминҳои  ташкилоту   муассисаҳое,  ки   то ҳол   сертификати   ҳуқуқи   истифодаи  замин надоранд  ва пешниҳоди   маълумот   аз кори  иҷрошуда;  омода  ва пешниҳоди   маълумотҳои  омории  соҳаҳои  кишоварзию  саноат  барои  моҳи январ  роҳбари  ноҳия   ба  масъулин  супориш  доданд,  ки   чораҳои   зарурӣ  андешанд.

    Дар  хусуси  масъалаҳои   дигари  ҷамъомад - ба  тасвиб  расонидани   Санадҳои  қабули   иншоотҳои   ҷашни   давлатии  Ҷ Т, ки дар моҳи  январ  мавриди  баҳрабардорӣ   қарор    дода  шуда  буданд; пешниҳод  намудани   қарору  фармоишҳои  роҳбарони  ташкилоту  муассисаҳо   ва раисони  ҷамоатҳои  шаҳраку  деҳот   оид  ба  вобаст  намудани   мутасаддӣ  барои  пешбурди   фаъолияти    коргузорӣ;  фароҳам  овардани  шароити   корӣ   ва таъмиру  тармими  утоққҳои  кории  нозирони  минтақавии  милитсия  дар  ҷамоатҳои   шаҳраку  деҳоти   ноҳия  ва пешниҳоди   маълумот  аз  натиҷаҳои  корҳои  иҷрогардида;  андешидани  чораҳои  қатъӣ  ҷиҳати  ҷалби   ҷавонони  синни  даъватӣ  ба  курсҳои  кўтоҳмуддати   омўзиши  касби  ронандагӣ   барои  даъвати   баҳорӣ  ба  муовинони   соҳавӣ,  роҳбари  дастгоҳи  раиси  ноҳия,  раисони  ҷамоатҳо,  роҳбарони  ташкилоту   муассисаҳо  раиси  ноҳия   муҳтарам  Бозоралӣ  Одиназода  дастуру  маслиҳат  доданд,  ки   баҳри  амалӣ  гаштани   корҳо   масъулияти   баланд  нишон  диҳанд.

      Доири  масъалаҳои  умдаи  ҷамъомад-  вусъат  бахшидан  ба  кори  ваксинатсия  ба  муқобили   бемории   COVID  - 19  ва пешниҳоди   маълумоти   ҳаррўза ;  вусъат  бахшидан  ба  кори   дарахтшинонӣ  ва  шинонидани  гулу  гулбуттаҳо  аз рўи  нақшаи   муайянгардида   ва пешниҳоди   маълумот  дар ин самт ;  омода  намудани   иншоотҳои   ҷашнӣ  барои   ба  истифода   додан  бахшида  ба   35- солагии  Истиқлолияти    давлатии    ҶТ;  назорати  фаъолияти   роҳбарони   марказҳои   саломатии  деҳот   ва бунгоҳҳои  тиббӣ  ва пешниҳоди   маълумот   дар ин бора ;  таҳлили  вазъи  баррасии  муроҷиатҳои  хаттӣ  ва шифоҳии  шаҳрвандон   дар  ташкилоту   муассисаҳо   ва Ҷамоатҳои   шаҳраку   деҳоти   ноҳия   низ  раиси   ноҳия   аз  масъулин  пурсон   гардида,  баҳри   пешрафти   корҳо   маслиҳатҳои   судбахш  доданд.  

Маркази  матбуоти раиси  ноҳия