Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

       Имрўз  муовини  Сарвазири  мамлакат  Зиёзода  Сулаймон  Ризоӣ,   Вазири  кишоварзии  Ҷумҳурии  Тоҷикистон   Каримзода  Саъдӣ Ғафор,  Директори    Агентии    беҳдошти  замин  ва  объёрии  назди  Ҳукумати    Ҷумҳурии  Тоҷикистон  Холмурод  Раҳмон, Президенти  Академияи  илмҳои  кишоварзӣ  Асозода  Н, муовини   якуми  раиси  вилояти   Хатлон  Салимзода  А.Ф   бо   сафари    корӣ  ба    ноҳияи  Мир  Сайид  Алии   Ҳамадонӣ  ташриф  оварданд.  Меҳмонони  арҷманд  ва  ҳамроҳонашонро  дар    даромадгоҳи   ноҳия  раиси   ноҳия,  Узви  Маҷлиси  миллии   Маҷлиси  Олии  Ҷумҳурии  Тоҷикистон   Бозоралӣ  Одиназода   ва   дигар  роҳбарон  истиқбол   гирифтанд.

      Меҳмонон  аввал  ба  Ҷамоати  деҳоти  “ Қаҳрамон”  омада, аз  намоиши  маҳсулоти  кишоварзӣ,  ки  аз  меваю  сабзавот, полезиҳо,  ғалладонагиҳо  иборат  буд,  дидан  намуда , нахуст бо аҳли кишоварзон суҳбат ороста,  сипас  бо  кору  бори   содиқонаи   аҳли  заҳмат баҳои  хуб  доданд  ва  таъкид  намуданд, ки   истеҳсоли  маҳсулоти  кишоварзиро  боз  ҳам  афзун  намоянд.

     Баъдан  меҳмонон ба   ҷ/д  “Панҷоб”  рафта,  аз хоҷагии “Ниҳолпарвар”-и ноҳия  дидан  карда,  барои  парвариши ниҳолҳои дарахтони   гуногун,  васеъ  намудани  заминҳо,  зиёд кардани  қаламчаҳо  дастуру  супоришҳои муфид  доданд. Инчунин, аснои  сафари корӣ  меҳмонон  аз    гармхонаи   навътасиси   ҳудуди  ин   ҷамоат  дидан  намуда,  ба  кору  фаъолияти  кормандони  он  шинос  шуданд. Дар  ин фасли  сармо   дохили  гармхона  фасли  баҳорро  мемонд,   зироатҳои  корида нашъунамои   хуб  дошта,  дил  мерабоянд.

    Ҳамчунин,  меҳмонон   аз  сардхонаи    назди  гармхона  дидан намуданд,  ки  дар он  маҳсулоти  кишоварзӣ  нигаҳдорӣ   карда  мешаванд.

     Меҳмонон  ба  фаъолияти  аҳли  заҳмати   ноҳия   дар  бахши  кишоварзӣ  ошно  гардида ,  ба масъулин  ҷиҳати  сари   вақт  хушсифат  анҷом  додани  корҳо   дастуру  тавсияҳо  доданд. 

Маркази матбуоти раиси ноҳия

Маркази  матбуоти раиси  ноњия