Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

       16-уми апрели соли равон тибқи нақшаи тасдиқнамудаи мақомоти иҷроияи ҳокимияти давлатии ноҳияи Мир Сайид Алии Ҳамадонӣ омодагӣ ба даври ноҳиявии озмуни ҷумҳуриявии "Тоҷикистон - Ватани азизи ман" доир гашт.

Зимни корҳои фаҳмондадиҳӣ муовини раиси ноҳия Исҳоқӣ Ҳусния ба аъзоёни озмуни мазкур, тартиби баргузорӣ, тарзи ҳуҷҷатгузорӣ ва бақайдгирии иштирокчиёни озмунро ба ҳозирин фаҳмонида, таъкид намуданд, ки озмуни мазкур бояд ба таври шаффоф баргузор карда шавад.

Бояд ёдовар шуд, ки озмун аз рӯи номинатсияҳои бастакорӣ, сарояндагӣ, навозандагӣ, санъати тасвирӣ ва дизайн баргузор карда мешавад.

Ҷ. Қувватзода