Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

    Пешвои муаззами миллат, Президенти кишвар, муҳтарам  Эмомалӣ  Раҳмон дар паёмҳои ҳарсолаи худ ба масъалаи мактубу маориф, тарбияи насли  наврас, ки ояндасози ҷамъиятанд, ҳамеша таъкид менамоянд, ки пояи  давлатдорӣ ба мактабу  маориф вобастагии зич дорад.

   Муассисаи таҳсилоти миёнаи  умумии №7  соли  1989, ба  фаъолият оғоз намуда буд. То имрўз тайи 30-соли  фаъолияти муассиса рўйи  таъмири капиталиро надида буд. Имсол бо ташаббуси директори ҷавони муассиса  Саидзода  Хизралӣ кори хайре анҷом дода шуд. Бо таку дави ин ҷавони серғайрат  шогирдони собиқи мактаб, ки дар  соҳаҳои  гуногун кору фаъолият доранд, барои таъмири  умумӣ (капиталӣ)  ҷалб карда шуданд. Ҷавонмардони бонангу номуси  деҳаи Гулободи  ҷамоати деҳоти Меҳнатобод камари ҳиммат  баста, маблағи зиёд фиристоданд. Таъмири муассиса аз аввали моҳи июл сар шуд.

   Ҳар рўз то 60-70 нафар ҷавонону нафақахурон ба мактаб омада, раисони маҳалла ва шахсони фаъоли деҳа ба кори бинокорон кумак,  мерасонанд.

     Алакай қисми зиёди синфхонаҳо, роҳравҳо аз таъмир  бароварда  шуданд. Ҳоло кор бо ҷўшу хўруш давом дорад. Рўзҳои наздик  боќимондаи  корҳо ба анҷом расида, дару тирезаҳои нав   насб карда мешаванд.Омўзгорон мекўшанд, ки шогирдони ватандўсту  меҳнатпарастро ба воя расонанд.

Соҳибдиле басо фармудааст:

                    Хоҳам,ки  дар фазои  ватан болу пар занам,

                    Болу паре баландтару  дуртар  занам.

                                                                                        Холиқов Сафаралӣ,

                                                                      Омўзгори  фанни забону адабиёти тоҷик

                                                                                              МТМУ  №7